Siglir tar il cuntegn

Header

Il derby Grischun tranter CDH Engiadina e Lai/Valbella
Legenda: Il derby Grischun tranter CDH Engiadina e Lai/Valbella Reto Mayer
cuntegn

Sport regiunal Victoria impurtanta per il CDH Engiadina

En il cumbat encunter la relegaziun batta il CDH Engiadina Lai Valbella cun 5:3. Ussa è il CDH Engiadina puspè sin la segunda plazza, quai che bastass per restar en segunda liga. I manca dentant anc in gieu. Lai/Valbella é prim e resta en segunda liga.

Il gieu ha cumenzà da maniera optimala per il CDH Engiadina: Suenter gist 34 secundas han ils engiadinais gia marcà il 1:0. Be 2 minutas pli tard perfin il 2:0. La squadra da l’Engiadina Bassa ha fatg vinavant squitsch ed è i en la 15. minuta cun 3:0 en avantatg. Ma curt avant la fin dal prim terz ha Lai tratg il 3:1. En il segund terz n'hai dà nagins gols.

A la fin in gieu egualisà

En il 3. terz è il CDH Engiadina puspè i en avantatg cun 4:1. Ma lai Valbella ha reagì e tratg entaifer 3 minutas 2 gols. Uschia manava il CDH Engiadina be anc cun 4:3. En la 56. minuta ha Diego Del Andrino dentant fatg il gol decisiv al 5:3 e Lai/Valbella n'ha betg pli pudì reagir.

Betg anc salvà

Il CDH Engiadina sto ussa batter questa sonda era anc il club da hockey dad Ascona e sperar sin almain 1 terrada dal SC Küsnacht. Be uschia ha Engiadina la schanza da restar en la 2. liga. La squadra da Küsnacht gioga numnadamain anc encunter Ascona e Lai/Valbella. Sche Küsnacht guadagna quels 2 gieus na po il CDH Engiadina betg pli surpassar la sqadra turitgaisa e vegniss relegà en la 3. liga.

Hockey regiunal: Playoff e relegaziun 2. liga (2017)

Playoff





14.02.2017
20:00EHC Schaffusa
-
EHC San Murezzan5:3
16.02.201720:00EHC San Murezzan
-
EHC Schaffusa
2:4
18.02.201718:30EHC Schaffusa
-
EHC San Murezzan6:2
Relegaziun





15.02.201719:45CDH Engiadina
-HC Ascona
6:4
18.02.201720:00EHC Lai
-
CDH Engiadina6:2
22.02.201720:00CDH Engiadina
-
SC Küsnacht4:3 s.prol.
25.02.201720:00SC Küsnacht
-
CDH Engiadina8:6
01.03.2017
20:00CDH Engiadina
-
EHC Lai5:3
04.03.201720:00HC Ascona
-
CDH Engiadina3:6

RR novitads 23:00