Vanessa Bolinger è in giuven goli da la Svizzra Centrala. Dacurt ha ella pudì festivar ses 22 avel anniversari. Dapi questa stagiun è Bolinger il goli dal CdH Engiadina. Ella è l’emprima dunna en il gol da la squadra engiadinaisa. Gia avant aveva la giuvna fatg experientschas en il gol dad ina squadra dad umens. Tar l’equipa U20 da Cuira ha ella dà ina stagiun en il gol.
Gust vi dal hockey e creschì durant viadi dal mund
Gugent avess Vanessa Bolinger fatg carriera cun Cuira en la MySports League. Feridas han dentant franà la giuvna che ha dà tranter auter era tar Reinach en la liga naziunala A da las dunnas, e ch'era part da la squadra naziunala da hockey da las dunnas. Durant in viadi dal mund ha ella decis da vulair empruvar anc ina giada cun il hockey. Uschia è ella vegnida sin il CdH Engiadina, nua che ella duess gidar a l’equipa da giugar ina buna stagiun.