Il derby n'è betg stà da l'entschatta ennà uschè cler, sco quai ch'il resultat final fa pensar. Il prim terz ha il CdH Engiadina cumenzà ferm gist era cun ina schanza cunter il EHC San Murezzan. Il culp è però ì vi dal pal dal gol. Lura ha San Murezzan fatg squitsch e marcà 2 gols aifer 1 minuta (Jan Tichy, Elio Tempini). Scursanì al 2:1 ha Livio Noggler en la 13avla minuta.
Il segund terz ha gudagnà cler il EHC San Murezzan cun far 5 gols al 7:1. Il terz ch'è stà decisiv per l'entira partida, ha ditg Oldrich Jindra, il trenader dal CdH Engiadina. L'ultim terz ha sia squadra pudì dominar cun marcar 4 gols ed incassar mo 1. Tuttina h'hai betg tanschì.
San Murezzan è fin ussa adina ì sco favurit en il derby e quasi adina ha San Murezzan era gudagnà il duel cunter l'Engiadina. Uschia spetga l’equipa da l’Engiadina Bassa gia dapi tschintg onns sin ina victoria en il derby engiadinais – e sto spetgar vinavant.
RTR livestream 19:50
