Suenter l'emprim terz manava Cuira cun 1:0 cunter il HC Düdingen. Tranter la 31avla e la 37avla minuta han ils Grischuns lura sajettà trais ulteriurs gols – ed als da Düdingen èsi mo anc gartegià da sajettar il gol d'onur al 1:4.
Il EHC Arosa è stà giast a Thun e gudogna cun 3:1. L'emprim terz ha finì 1:1, en la 28avla minuta han ils d'Arosa lura sajettà il segund gol. Paucas secundas avant la fin da la partida ha Arosa lura anc sajettà il 3:1 el gol bandunà.
Resultats da la MySports League
Il HC Partenz-Signuradi perda a chasa cunter Bellinzona cun 4:5 suenter sajettar penaltis.
Resultats da l'emprima liga
Ina terrada sto il EHC San Murezzan magunar – ordaifer cunter Dürnten perdan ils Grischuns cun 3:6.
Er ina terrada hai dà per il Club da Hockey Engiadina. La squadra d'Engiadina perda a chasa cunter l'EHC Illnau-Effretikon cun 4:6.
Resultats da la segunda liga
RTR novitads 20:00