Siglir tar il cuntegn

Header

Navigaziun

Logo cotschen-nair dal club da hockey Engiadina
Legenda: Il CdH Engiadina sto turnar en la terza liga. MAD
cuntegn

Hockey regiunal Il CdH Engiadina sto bandunar la segunda liga

Suenter mo ina stagiun en la segunda liga da hockey sto il club da hockey Engiadina puspè far il pass enavos en la terza liga.

Engiadina n'ha betg gudagnà avunda puncts en la runda da relegaziun per restar en la segunda liga. Da las sis partidas da relegaziun ha Engiadina gudagnà be trais suenter 60 minutas. Memia pauc per pudair restar en la segunda liga. Era la victoria da 6 a 3 en la davosa partida cunter Ascona n'ha betg pudì midar quai. Quai perquai ch'il concurrent direct per la davosa plazza en la segunda liga, il SC Küsnacht ha gudagnà cunter Lai Valbella.

Engiadina era gia sa participà la stagiun passada al campiunadi en la terza liga. Lura aveva il CdH Engiadina dominà il campiunadi. La promoziun en la segunda liga la primavaira 2016 è stà la consequenza logica da quella dominanza. Il pass tranter la terza e la segunda liga è dentant stà memia grond. Durant questa stagiun ha l’equipa giu gronda fadia da s'etablir en la liga. Era durant la runda da relegaziun n'è quai betg gartegià als Engiadinais da far la differenza, cuntrari a Lai Valbella. Lai Valbella aveva gia avant la davosa runda segirà ses plaz en la segunda liga.

Il club da hockey Engiadina aveva gia la primavaira 2015 stuì far il pass da la segunda liga enavos en la terza liga.

Hockey regiunal: Playoff e relegaziun 2. liga (2017)

Playoff





14.02.2017
20:00EHC Schaffusa
-
EHC San Murezzan5:3
16.02.201720:00EHC San Murezzan
-
EHC Schaffusa
2:4
18.02.201718:30EHC Schaffusa
-
EHC San Murezzan6:2
Relegaziun





15.02.201719:45CDH Engiadina
-HC Ascona
6:4
18.02.201720:00EHC Lai
-
CDH Engiadina6:2
22.02.201720:00CDH Engiadina
-
SC Küsnacht4:3 s.prol.
25.02.201720:00SC Küsnacht
-
CDH Engiadina8:6
01.03.2017
20:00CDH Engiadina
-
EHC Lai5:3
04.03.201720:00HC Ascona
-
CDH Engiadina3:6

RR Novitads 23:00