San Murezzan ha era gudagnà la terza partida da la seria dad otgavelfinal encunter Sursee e fa uschia il pass en la proxima runda. San Murezzan ha batti Sursee a chasa cun 4:2. Uschia pon ils giugaders sa remetter durant in'emna fin che la proxima runda cumenza. Tenor il trenader Gian Marco Trivella è quai in temp fitg impurtant. Era per tut ils giugaders ch'eran malsauns u ferids.
Ils 24 da favrer gioga San Murezzan lura ils quartfinals da playoff. Anc n'èn betg tut las serias en la segunda liga a fin. Perquai na èsi anc betg cler encunter tgi ch'il EHC San Murezzan dat en la proxima runda.
Stagiun a fin per CDH Engiadina
Fertant che la stagiun cuntinuescha per il EHC San Murezzan e la stagiun per il Cdh Engiadina a fin. L’equipa da l’Engiadina Bassa ha era pers il terz gieu da l’emprima runda dals playoffs encunter Illnau Effretikon. Quai cun 1:9. Dals emprims trais gieus da playoff ha Engiadina pers tuts trais.
Ina buna novitad datti però tuttina: Per l’emprima giada dapi che Engiadina e puspè enavos en segunda liga, na ha l’equipa betg problems da relegaziun. Cun la qualificaziun per ils playoffs ha il CDH Engiadina segirà ina plazza en la segunda liga.
Hockey regiunal Playoff 2. liga (2018)
1/8 finals | 1. | 2. | 3. | 4. | 5. | Best of 5 | ||
EHC San Murezzan | – | EHC Sursee | 13:5 | 6:3 | 4:2 | - | - | 3:0 |
Cdh Engiadina | – | EHC Illnau- Effretikon | 1:11 | 1:4 | 1:9 | - | - | 0:3 |
HC Lucerna | – | EHC Schaffusa | 6:3 | 1:2 | 5:0 | : | : | 2:1 |
EHC Dürnten- Vikings | – | EHC Son Gagl | 6:3 | 6:2 | 7:3 | - | - | 3:0 |
SC Rheintal | – | GDT Bellinzona | 9:1 | 6:1 | 14:0 | - | - | 3:0 |
EHC Bassersdorf | – | EV Dielsdorf- Niederhasli | 1:5 | 4:5 | 0:4 | : | : | 0:3 |
EHC Kreuzlingen- Konstanz | – | EV Zug | 5:3 | 3:1 | 3:5 | : | : | 2:1 |
EHC Wallisellen | – | SC Küsnacht | 1:3 | 4:3 | 4:5 | : | : | 1:2 |
En ils gieus da relegaziun da la segunda liga ha Lai-Valbella gudagnà surprendentamain cunter Urdorf cun 5:4, quai en il shootout.
Hockey regiunal Relegaziun 2. liga (2018) (actualisà ils 17.02.2018)
Team | Gieus | Relaziun da gols | Puncts | |
1. | EHC Urdorf | 2 | 8:7 | 4 |
2. | EHC Seewen | 2 | 6:6 | 3 |
3. | HCB Chiasso | 2 | 8:5 | 3 |
4. | EHC Lai-Valbella | 2 | 6:10 | 2 |
En l'emprima liga ha Arosa gudagnà a chasa cun 7:3 cunter Partenz-Signuradi. Cun trais victorias en ils playoffs cuntinuescha la stagiun per Arosa en il quartfinal.
Hockey regiunal Playoff 1. liga (2018)
1/4 finals | 1. | 2. | 3. | 4. | 5. | Best of 5 | ||
EHC Wetzikon | – | Pikes EHC Oberthurgau | 6:3 | 5:1 | 4:3 | - | - | 3:0 |
GDT Bellinzona | – | SC Herisau | 6:1 | 3:1 | : | : | : | 2:0 |
EHC Frauenfeld | – | EC Wil | 1:5 | 2:3 | 4:2 | : | : | 1:2 |
EHC Arosa | – | HC Partenz- Signuradi | 7:3 | 5:4 | 7:3 | - | - | 3:0 |
Ed era l'EHC Cuira ha gudagnà en la relegaziun da l'emprima liga superiura. Ils hockeyaners da Cuira han battì ils da Basiela ordvart cun 5:4.
Hockey regiunal Relegaziun 1. liga superiura (2018) (actualisà ils 17.02.2018)
Team | Gieus | Relaziun da gols | Puncts | |
1. | EHC Basilea | 1 | 112:117 | 46 |
2. | HC Düdingen Bulls | 1 | 106:119 | 46 |
3. | EHC Cuira Capricorns | 1 | 112:105 | 42 |
4. | HC Université Neuchâtel | 1 | 84:154 | 24 |
RR novitads 20:00