Per il club da hockey da San Murezzan è la situaziun da partenza avant la quarta partida da playoff encunter Bellinzona clera. San Murezzan sto gudagnar la partida, cas cuntrari è la stagiun a fin. Las emprimas duas partidas da la seria d'otgavelfinal tranter San Murezzan e Bellinzona eran fitg stretgas. L’emprima partida ha Bellinzona gudagnà en la prolungaziun, la segunda San Murezzan, era en la prolungaziun. Il terz gieu tranter questas duas equipas era lura fitg cler. Gia suenter l’emprim terz manava Bellinzona cun 6:0. Il gieu è i a fin cun il resultat final da 7:1.
I mancava segir la prontezza davent da l’entschatta e la disciplina.
Cdh Engiadina po far il proxim pass per restar en la segunda liga
Entant ch'il EHC San Murezzan è l’unica equipa grischuna en ils playoffs da la segunda liga, giogan il Cdh Engiadina e Lai Valbella en la runda da relegaziun. Las emprimas duos partidas da questa runda da relegaziun ha il Cdh Engidina gudagnà. Ina victoria er questa saira encunter Chiasso fiss probabel schon la decisiun ed il salvament per il Cdh Engiadina en la segunda liga. Perquai è ina victoria era encunter Chiasso enorm impurtanta. Er ils giugaders d'Engiadina èn conscients da quest fatg.
RTR Sportissimo