Siglir tar il cuntegn

Header

cuntegn

Hockey regiunal HC Partenz-Signuradi è campiun

Il club da hockey Partenz-Signuradi è campiun da la segunda liga regiunala. En il quart gieu da final cunter il SC Herisau ha l'equipa grischuna gudagnà cun 2:1 e realisà uschia la terza victoria en la seria da best of five.

Suenter esser vegnì en l'emprima liga èsi grategià a Partenz-Signuradi anc in triumf. Cun 2:1 gudognan els la partida a chasa cunter Herisau. Uschia gudognan els er la seria da final cun 3:1 ed èn per l'emprima giada campiun da la segunda liga da la Svizra occidentala.

L'equipa da Partenz ha gia cumenzà bain. Damian Thöny (4') e Roman Peterhans (11') han gia svelt procurà per in 2:0, ch'els han era pudì mantegnair lung temp. Lura èsi dentant anc ina giada vegnì stretg cura che Michell Sperazina ha pudì scursanir (43') sin in 2:1. Dapli han ils da Purtenz dentant betg laschà tras en las ultimas 17 minutas ed èn uschia daventads campiun.

RR novitads 23:00

Artitgels legids il pli savens