Siglir tar il cuntegn

Header

cuntegn

Hockey regiunal Gian-Marco Crameri – enavos sin il glatsch

La mancanza da defensurs tar San Murezzan è la raschun che Gian-Marco Crameri turna tar sia equipa da tschep.

Blers onns ha il giugader da hockey engiadinais Gian-Marco Crameri dà en la liga naziunala ed en l’equipa naziunala. Il «samedrin» ch'ha emprendì il hockey tar San Murezzan.

audio
Gian-Marco Crameri turna a San Murezzan
ord Sportissimo dals 07.10.2017.
laschar ir. Durada: 3 minutas 40 Secundas.

El e daventà campiun svizzer cun Lugano, ils ZSC Lions ed era cun il club da hockey da Tavau. Suenter sia carriera activa ha Gian-Marco Crameri fatg la licenza da trenader. El ha trenà tranter auter l'EHC San Murezzan ed era l’equipa naziunala da las dunnas.

Per mintga giugader èsi ina gronda onur da dar en l’emprima equipa tar in club da hockey.
Autur: Gian-Marco Crameri giugader San Murezzan

Uss turna Gian-Marco Crameri dentant tar sia equipa da tschep. Pervi da mancanza da defensurs tar l’equipa da tradiziun engiadinaisa gida Crameri ora. El duai stabilisar la defensiun e dar vinavant sia gronda experientscha a giugaders giuvens.

Suenter ils emprims dus gieus da campiunadi turna Gian-Marco Crameri questa fin d’emna per l’emprima giada puspè en sia arena, la plazza da glatsch Ludains a San Murezzan.

RR actualitad 07:20

Artitgels legids il pli savens