Siglir tar il cuntegn
cuntegn

Hockey regiunal Fin da la stagiun per il Cdh Engiadina

Il Cdh Engiadina ha pers er la quarta partida cunter Bellinzona, ed uschia la seria da playoff cun 1:3 terradas.

Engiadina perda encunter Bellinzona
Legenda: Engiadina perda encunter Bellinzona RTR, Roman Dobler

Er durant la quarta partida da playoff cunter il GDT Bellinzona ha il Cdh Engiadina puspè pretendì tut dal grond favurit. La fin finala ha quel dentant gì dapli reservas ed ha gudagnà la partida a Scuol. E quai malgrà che l’equipa engiadinaisa manava il gieu cun 2:0. L’emprim ha Bellinzona dentant egualisà la partida, ed al principi da l'ultim terz lura anc fatg il gol da la victoria.

Il grond favurit gudogna

Tuttina ha il Cdh Engiadina pretendì tut da Bellinzona en las quatter partidas da playoff. Tuttas trais partidas ch'il Cdh Engiadina ha pers cunter il grond favurit, ha l’equipa pers cun mo in gol differenza.

Quai lascha sperar sin il futur. Era sche l’equipa da l’Engiadina Bassa è crudada ora sco la stagiun passada gia en l’emprima runda dals playoffs, ha la giuvna squadra fatg in grond pass enavant.

Ils giuvens ramassan experientschas

Dapi che l’equipa è promovida la primavaira dal 2016 puspè en segunda liga, fa l’equipa onn per onn il proxim zap. Ils giuvens ramassan experientscha cun dar serias da playoff. Plinavant pon ils giugaders pli vegls dar vinavant lur experientscha als giugaders giuvens.

Uschia crescha l’equipa onn per onn. Era sch'ella è puspè crudada ora en l’emprima runda da la fasa da k.o., ha il Cdh Engiadina mussà ch'igl è da far quint cun l’equipa en il futur.

RR novitads 22:00