Siglir tar il cuntegn

Hockey regiunal Emprima terrada per San Murezzan en il quartfinal dals playoffs

Il EHC San Murezzan ha pers l’emprim inscunter cunter il HC Lucerna cun 3:4 suenter prolungaziun. En la seria statti uss 1:0 per Lucerna.

La sguadra da San Murezzan
Legenda: Ils da San Murezzan perdan l'emprim gieu en la seria cunter il HC Lucerna. RTR, Anna Caprez

Suenter ina buna partenza per la squadra da Gian Marco Trivella è il EHC San Murezzan ì cun 2:0 en l’emprima pausa. Ina cumplettamain autra squadra è sa preschentada en il segund terz tar il HC Lucerna. Il squitsch ed er las schanzas èn cleramain stadas tar la squadra da giast.

Prolungaziun

Cun in 3:3 suenter 60 minutas èn las duas squadras dal quartfinal da playoff idas anc ina giada en cabina. Schanzas avessan tuttas duas gì da gudagnar. Il HC Lucerna è finalmain stà quel che ha fatg l’emprim gol ed uschia gudagnà l’emprim inscunter. Il proxim gieu è mardi saira a Lucerna.

Playoffs 2. liga (best of 5)


24-0227-02
01-03
03-0306-03Best of 5
EHC San Murezzan – HC Lucerna3:44:53:4::0:3

RR novitads 23:00