Siglir tar il cuntegn
Inhalt

Hockey regiunal EHC San Murezzan gudogna partida da giubileum

Il club da hockey da San Murezzan batta Schaffusa en la prolungaziun cun 4:3.

Gieu or il liber sper il Kulm a San Murezzan
Legenda: Gieu or il liber sper il Kulm a San Murezzan Roman Dobler
Publicum tar la partida San Murezzan-Schaffusa
Legenda: Publicum tar la partida San Murezzan-Schaffusa Roman Dobler

Il club da hockey da San Murezzan ha gudagnà la partida da giubileum da 100 onns encunter Schaffusa cun 4:3. La decisiun è dentant pir crudada en la prolungaziun. Avant ha l'EHC San Murezzan manchentà da decider la partida.

Davent da l’entschatta ha l’equipa da l’Engiadina Ota stuì currer suenter ad in retard. En la 47avla minuta èsi però gartegià a San Murezzan da far il 3:2. L’equipa indigena era pli datiers a la victoria. Curt avant la fin ha Schaffusa dentant pudì egualisar la partida. Uschia èsi vegni tar la prolungaziun, la quala San Murezzan ha la fin finala decis.

Il gieu da segunda liga encunter Schaffusa era la partida da giubileum dal EHC San Murezzan che festivescha quests dis ses 100avel giubileum. L’equipa da tradiziun grischuna era vegnida fundada ils 17 da schaner dal 1918.

RR novitads 21:00