Siglir tar il cuntegn

Header

cuntegn

Hockey regiunal EHC Lai Valbella enavos en segunda liga

Suenter ina stagiun en terza liga puspè enavos en segunda liga. L'EHC Lai Valbella n'è dentant anc betg cumpetitiv.

A la fin da la stagiun 2017/2018 è l'EHC Lai Valbella vegnì relegà ina liga pli bass en terza liga. Là ha la squadra dal grischun Central mussà ina ferma stagiun. Suenter la qualificaziun era la squadra sin plazza dus, ed era suenter la Masterround era l’equipa tranter las meglras da la terza liga. Ma pervia da la differenza da gols n'ha quai betg tanschì per il final.

audio
Saira: Hanueli Salis, schef da sport Lai Valbella davart campiunadi
ord Sportissimo dals 12.10.2019.
laschar ir. Durada: 3 minutas 58 Secundas.

Dumonda da la liga da hockey da vulair turnar

Uschia eri cler che la liga da hockey svizra ha dumandà l’equipa da Lai Valbella sch'ella avess interess da turnar en segunda liga. Ils responsabels da la squadra han respundì cun gie. Uschia dat la squadra uss puspè en segunda liga. Fin da qua dentant cun pauc success. Las emprimas trais partidas dal campiunadi ha la squadra pers. E la fin d’emna spetga in'ulteriura ferma equipa da la segunda liga, ils Dürnten Vikings.

RR Sportissimo 17:00

Artitgels legids il pli savens