Siglir tar il cuntegn

Header

cuntegn

Hockey regiunal EHC Lai-Valbella – a la cua da la tabella

En segunda liga da hockey cumbatta Lai-Valbella per restar en la segunda liga. Durant il campiunadi actual ha Lai fatg mo in soli punct.

Gia avant il nov campiunadi da hockey en segunda liga era cler. Quai vegn a dar ina stagiun fitg difficila per il club da hockey da Lai-Valbella. L’equipa ha pers la stagiun passada radund diesch giugaders che han terminà lur carriera u midà il club. La situaziun da persunal tar l’equipa era gia avant questa reducziun precara, uss è quella situaziun vegnida anc mendra.

Igl ha dà muments nua che jau veseva nair
Autur: Hanueli Salis schef da sport EHC Lai-Valbella
audio
Saira: EHC Lai Valbella è a la cua da la tabella
ord Actualitad dals 19.12.2017.
laschar ir. Durada: 2 minutas 47 Secundas.

La situaziun precara da persunal tar il club da hockey da Lai-Valbella è uss era da vesair en la tabella. L’equipa ha giugà dudesch partidas. Anc mai ha Lai gudagnà. Mo in sulet punct resulta or da las emprimas dudesch partidas dal campiunadi. Lai-Valbella è cun in punct cleramain a la cua da la tabella e dal tuttafatg en il cumbat da relegaziun.

Las proximas partidas duain esser per nus in test per quai che spetga en la relegaziun
Autur: Hanueli Salis EHC Lai-Valbella

Durant la pausa da Nadal vul l’equipa l’emprim vegnir sin auters patratgs e lura puspè lavurar vi dal trenament. Las partidas che spetgan lura il schaner encunter il Cdh Engiadina ed era encunter Son Gagl vegnan ad esser decisivas.

RR actualitad 17:00

Artitgels legids il pli savens