Siglir tar il cuntegn

Header

cuntegn

Hockey regiunal EHC Cuira gudogna ordaifer cunter Seewen

L’EHC Cuira ha gudagnà ordaifer cunter l’EHC Seewen suenter penaltis cun 4:3. Uschia vegnan l’EHC Cuira sin 8 puncts ed è sin la penultima plazza da la tabella, dus puncts avant l’EHC Seewen.

Prim terz

La partida ha cumenzà bain per l’equipa da la chapitala. En la 16avla minuta è Cuira ì en avantatg tras Lukas Sieber. Ma sulet ina minuta pli tard ha l’EHC Seewen pudì egualisar la partida.

Segund terz

Il segund terz ha cumenzà anc meglier per Cuira. Anc en la 20avla minuta vegnan ils Grischuns da marcar il segund gol tras Curdin Lampert e curt avant la fin dal segund terz va l’EHC Cuira cun 3:1 en avantatg tras Ron Fischer.

Terz terz, prolungaziun e penaltis

En il terz terz vegnan alura l’EHC Seewen anc da egualisar la partida e quai sulet 25 secundas avant la fin da la partida. En la prolungaziun hai alura dà nagins gols ed en la lutga da penaltis vegnan ils da Cuira da decider per els ed uschia gudagnar cun 4:3.

RR novitads 23:00

Artitgels legids il pli savens