Marc Haueter è sa retratg per immediat, communitgescha il club da hockey da Arosa. Tenor il scriver saja il motiv – differenzas nunsurmuntablas e differentas ideas tranter la squadra ed il trenader pertutgant temas da gieu e da trenament.
Marc Haueter ha trenà Arosa bunamain trais onns. La stagiun passada ha la squadra dumagnà il pass en la MySports League. Tgi che succeda a Haueter n’è anc betg enconuschent. Il proxim gieu da campiunadi cunter l'EHC Basilea èn il trenader assistent Goran Manojiovic ed il trenader da golis Riccardo Gubser a la banda.
RTR novitads 06:00
