Siglir tar il cuntegn
cuntegn

Hockey regiunal CdH Engiadina gudogna suenter prolungaziun

Il gieu dal CdH Engiadina encunter il SC Küsnacht è stà relativamain egualisà. En la prolungaziun ha il CdH Engiadina fatg il gol decisiv da 4:3.

En il prim terz è il CdH Engiadina ì cun 1:0 en avantatg, ma be curt suenter han ils da Küsnacht egualisà il gieu e curt avant la fin dal prim terz han els fatg il 1:2.

Suenter 2 minutas dal segund terz han il Engiadinais però pudì egualisar il gieu sin 2:2.

En il terz terz è il CdH Engiadina puspè i en avantatg ma quest avantatg ha durà sulettamain 6 minutas enfin ch’il SC Küsnacht ha pudì egualisar il gieu sin 3:3. Quai è stà il resultat suenter il temp regular.

En la prolungaziun ha il CdH Engiadina pudì profitar d’in chastì encunter Küsnacht e suenter 24 secundas ha il giugader Diego Andrino sajettà il gol decisiv da 4:3.

Cun questa victoria e il CdH Engiadina ussa sin la segunda plazza. A la testa è il club da hockey da Lai/Valbella.

RR novitads 23.00