Siglir tar il cuntegn

Header

cuntegn

Hockey regiunal Benjamin Wunderer daventa nov scheftrenader dal CdH Engiadina

Benjamin Wunderer sa numna il nov trenader dal CdH Engiadina. El è da l'Italia ed ha fatg tuttas scolaziuns relevantas per il hockey, en Italia, Germania ed en Svizra, scriva il club en ina communicaziun. Actualmain lavuria Wunderer sco schefcoach tar il AHC Vinschgau.

Ils responsabels dal CdH Engiadina han dà a Wunderer in contract nunlimità sco trenader. A Scuol è quest contract vegnì suttascrit. Wunderer è stà durant la stagiun passada il manader sportiv ed il schefcoach da l'AHC Vinschgau Eisfix. Sut el ha il club fundà l'atun in'atgna scola da hockey e gia l'enviern han radund 50 uffants motivads pudì dar per il club.

audio
Benjamin Wunderer è nov scheftrenader dal CdH Engiadina
ord Actualitad dals 27.03.2019.
laschar ir. Durada: 2 minutas 47 Secundas.

Il Talian è sa scolà en Italia, en Germania ed en Svizra tar il trenader. Dal 2016 fin il 2018 è el stà il scheftrenader dals juniors dal SC Rheintal.

Jau hai in bun sentiment e ma legr da questa sfida.
Autur: Benjamin Wunderer scheftrenader dal CdH Engiadina

Wunderer ha ditg ch'el enconuschia gia la regiun e la mentalitad dals Engiadinais ed er il livel dal club saja sumegliant sco quel da ses club actual. L'entschatta matg vul Wunderer cumenzar sia plazza e planisar a moda consequenta la nova stagiun.

Er il president dal club, Domenic Toutsch haja er in bun sentiment, scriva il club en la communicaziun. Wunderer haja persvadì cun ses caracter. El saja fitg structurà e professiunal. Il nov trenader saja ina buna schliaziun per il futur.

RR novitads 20:00

Artitgels legids il pli savens