Claudio Micheli da San Murezzan è ina da las grondas figuras dal club che festivescha il 100avel giubileum. Micheli, ch'abitava gist sper la plazza da glatsch da Ludains a San Murezzan, ha giugà tar tut las partiziuns da juniors tar San Murezzan. L’ultim ha Claudio Micheli era giugà per l’emprima equipa dal club da tradiziun en l'emprima liga.
Da San Murezzan via Cuira e Berna tar ils ZSC Lions
L’onn 1993 ha Claudio Micheli midà tar Turitg. Tar il «Zett» è l'attatgader da San Murezzan madirà ad in giugader da tschep. Cun ils ZSC Lions ha Micheli dà dudesch stagiuns en liga naziunala A. Il pli bel mument è segir stà cura che l’equipa ha suenter blers onns puspè ina giada gudagnà il titel da campiun svizzer l’onn 2000. Gist in onn suenter ha il «Zett» savì repeter quest success – cun Claudio Micheli sco capitani da l’equipa.
Suenter ses temp tar ils ZSC Lions ha Claudio Micheli midà tar Rapperswil e lura tar Ambri. Ida a fin è la carriera da l’anteriur giugader da classa en liga naziunala B tar ils GCK Lions. Claudio Micheli da San Murezzan ha dà prest 1'200 gieus en liga naziunala. Durant quel temp è el vegnì duas giadas campiun svizzer. Uss è Micheli responsabel per la partiziun dals moskitos tar GC.
RR actualitad 08:00