Il CDH Engiadina ha segirà l'ultima plazza en segunda liga. L’equipa dal trenader Benny Wunderer ha battì en la runda da relegaziun per la segunda giada il EHC Urdorf cun 5:2. Er sche la runda da qualificaziun dura anc dus gieus e gia uss tut cler. Il CDH Engiadina vegn a terminar la runda da relegaziun sin plazza in e vegn a dar er la stagiun proxima en la segunda liga da hockey.
Il CDH Engiadina dat uss anc la mesemna proxima il gieu encunter Bassersdorf. Per finir la runda da relegaziun datti anc il duel tranter Urdorf e Bassersdorf. Omadus partidas n'han dentant nagina influenza pli sin la relegaziun.
Ultima relegaziun la stagiun 2017/2018
L’ultima giada ch'il CDH Engiadina era vegni relegà en terza liga era suenter la stagiun 2017/2018. Quel scenari vulev’ins en mintga cas evitar. Durant la qualificaziun era l’equipa da l’Engiadina Bassa ditg sin ina plazza da playoff. Pir durant las davosas partidas ha la squadra dà or da maun ina plazza da playoff ed ha uschia stuì ir la via sur la relegaziun. Là hn ils Engiadinais pers l’emprim gieu, las ulteriuras partidas ha l’equipa dal trenader Benny Wunderer alura dentant gudagnà.