Gudagnà la seria, ma pers il goli

Il club da hockey da Partenz Signuradi ha era gudagnà la terza partida da la seria da playoff encunter Bellinzona. Partenz ha gudagnà cun 8:2 ed ha uschia decis la seria cun 3 a 0 victorias.

Il goli Umberto Seiler.

Legenda da maletgs: Il goli da Partenz, Umberto Seiler, è sa blessà vi dal schanugl. Anc betg cler èsi, schebain in miniscus è er pertutgà. HC Prättigau

Partenz è da la partida en ils quartfinals, dentant betg il goli numer in da Partenz Signuradi, Umberto Seiler. Seiler è sa blessà en il segund gieu vi dal schanugl, per el è la stagiun a fin.

Intervista cun Umberto Seiler

Tut auter che la terrada encunter Dürnten fiss stà ina surpraisa

Per il club da hockey da Lai Valbella è la stagiun a fin. L’equipa dal Grischun central ha pers er la terza partida da la seria da playoff encunter Dürnten è po planisar las vacanzas.

Lai Valbella è era sa qualifitgà sco ultim’equipa per ils playoffs da la segunda liga. En l’otgavelfinal encunter la meglr’equipa da l’autra gruppa, encunter Dürnten, n’aveva Lai betg la qualitad da gudagnar.

Sportissimo 12:00