Siglir tar il cuntegn

Header

video
Festa gronda a Maiavilla per il lutgader Armon Orlik
Or da Telesguard dals 01.09.2016.
laschar ir. Durada: 3 minutas 25 Secundas.
cuntegn

Regiunal Grond bainvegni per Armon Orlik

Armon Orlik è vegnì beneventà cordialmain da passa milli persunas la mesemna saira en sia patria a Maiavilla. Per il lutgader da 21 onn è vegnì organisà ina festa suenter ch’el ha cuntanschì la lutga finala a la festa federala ad Estavayer ed uschia gudagnà sco sulet lutgader Grischun in cranz.

audio
Bunura: Festa da bainvegni per Armon Orlik
ord Actualitad dals 01.09.2016.
laschar ir. Durada: 3 minutas 2 Secundas.

In til cun musica, plumpas e prominenza ha accumpagnà Armon Orlik da la staziun da Maiavilla fin amez il vitg sin la plazza cumin. Là hai dà plirs pleds da bainvegni, tranter auter dals presidents da Maiavilla e da la Federaziun grischuna da lutga. A la fin ha era Orlik engrazià per il bainvegni ed il sustegn durant l’entira stagiun.

Durant in aperitiv ha Armon Orlik prendì encunter numerusas gratulaziuns persunalas ed ha er sa laschà fotografà cun pitschen e grond.

Artitgels legids il pli savens