Siglir tar il cuntegn
Inhalt

Regiunal Finalissima a Scuol è lantschada

Victoria per l'equipa dals novizs d’elita da Bienna e pari tar las equipas da l’elita A tranter Genevra ed ils GCK Lions.

La halla da glatsch Gurlaina a Scuol stat durant questa fin d’emna dal tuttafatg en il center dal hockey da juniors. Per l'emprima giada vegnan eruids ils campiuns Svizzers da las pli autas categorias da juniors en ina Finalissima. Dus gieus e quai durant dus dis. L'equipa che gudogna dapli gieus è la fin finala campiun Svizzer.

Il cumenzament ha fatg il EHC Bienna.

L'equipa ch'ha terminà la qualificaziun tar ils novizs d'elita sin plaz dus ha gudagnà l'emprima partida da final. Bienna ha victorisà il EV Zug cun 7:4 e maina uschia la seria da final cun 1:0. Sche Bienna gudogna era la partida da dumengia da Pasca è Bienna campiun Svizzer tar ils noviz d'elita.

Partida egualisada tranter ils GCK Lions e Genevra

Pli stretg era l’emprima partida da final tar l’elita A. Suenter sessanta minutas è la partida ida a fin pari 4:4. Ina prolungaziun na datti betg. En il cumbat per il titel han perquai uss omaduas equipas in punct. Uschia è anc tut avert. Ina prolungaziun datti pir en il segund gieu sche igl vess puspè da dar in pari. La decisiun croda er tar l’elita A dumengia da Pasca.

RR sportissimo 17:00