Siglir tar il cuntegn
Inhalt

Regiunal Favurit Schlarigna batta Scuol cun 2:1

L'emprim derbi engiadinais da questa stagiun ha respundì tgi ch'è la meglra equipa en Engadina – numnadamain il CB Schlarigna. Uschia ha il favurit da quest duel la fin er gudagnà il gieu cunter Scuol.

.
Legenda: MAD

Il CB Schlarigna era favurisà ed il CB Schlarigna ha gudagnà il gieu. Schlarigna gioga ils ultims onns adina a la testa da la tabella e pudess uschia er esser in candidat per la promoziun en la terza liga. Il CB Scuol ha cumenzà bain il gieu sin sia atgna plazza Gurlaina, ha dentant dat suenter la partida or da maun. Il favurit Schlarigna gudogna perquai il derbi engiadinais cunter il CB Scuol a Scuol cun 2 ad 1 gols.

CB Schlarigna: Adina ils ferms durant ils ultims onns

Cun quai ch'il CB Schlarigna è l'equipa ferma dals dus clubs eran era ils resultats dals derbis encunter il CB Scuol per il pli clers. Schlarigna era per il solit l’equipa che gudagnava. Grazia a la buna lavur cun ils juniors esi gartegià dad integrar adina puspè juniors en l’emprima squadra e da mantegnair ina buna qualitad.

Nus essan ils favurits.
Autur: Amos Sciuchettischef da sport CB Schlarigna

CB Scuol: Cumbat per giugaders e cunter la relegaziun

Tut autra la situaziun en l'Engiadina Bassa. Er al principi da questa stagiun cumbatta il CB Scuol puspè encunter la relegaziun. Suenter las emprimas partidas dal campiunadi ha Scuol mo trais puncts sin il conto.

Entant che Schlarigna dispona dad in cader vast cun qualitad, cumbatta l’equipa da l’Engiadina Bassa per mintga giugader. Perquai è er durant questa stagiun la finamira principala da restar en quarta liga.

Nus avain pers blers giugaders causa studi o giarsunadi.
Autur: Lorenzo Derungscapitani CB Scuol

RR actualitad 06:00