Regiunal - Fatschas cuntentas al «Nordic Culinaric»
Radund 200 curridras e curriders èn sa participads a Nordic Culinaric 2019, in’occurrenza da passlung culinarica sin la loipa Cadi. Per ina giada n'ha betg il temp quintà, mabain il plaschair da far passlung, star da buna cumpagnia e laschar gustar ils products dals purs da la regiun.
Legenda:
Bunamain 200 annunzias a Nordic Culinaric.
RTR, Andreas Wieland
2 / 17
Legenda:
Avant che sa metter sin loipa hai dà solver en la scrinaria Tarcisi Maissen.
RTR, Andreas Wieland
3 / 17
Legenda:
Da tuttas sorta liongias al solver culinaric.
RTR, Andreas Wieland
4 / 17
Legenda:
Las resgias han stuì far plaz a bunamain 200 curridras e curriders.
RTR, Andreas Wieland
5 / 17
Legenda:
Pronts per il viadi direcziun Mustér ed enavos.
RTR, Andreas Wieland
6 / 17
Legenda:
Nordic Culinaric ha carmalà pitschen e grond.
RTR, Andreas Wieland
7 / 17
Legenda:
Tgi pli spert e tgi pli plaun. I na vegn betg mesirà il temp.
RTR, Andreas Wieland
8 / 17
Legenda:
Emprim post a Surrein tar l‘ustaria Placi Pign.
RTR, Andreas Wieland
9 / 17
Legenda:
Er il biatlet Eligius Tambornino è da la partida.
RTR, Andreas Wieland
10 / 17
Legenda:
A Brulf vegn prendì in zic pacific.
RTR, Andreas Wieland
11 / 17
Legenda:
Intgins han schizunt pudì currer fin Salaplauna.
RTR, Andreas Wieland
12 / 17
Legenda:
Bell‘aura e loipas perfetgas.
RTR, Andreas Wieland
13 / 17
Legenda:
In bun vinars en la Destillaria Candinas a Surrein.
RTR, Andreas Wieland
14 / 17
Legenda:
Degustaziun da vinars avant che turnar a Trun.
RTR, Andreas Wieland
15 / 17
Legenda:
En il center stat la buna cumpagnia.
RTR, Andreas Wieland
16 / 17
Legenda:
Gentar hai dà pulenta or dal pariel.
RTR, Andreas Wieland
17 / 17
Legenda:
La societad da musica Trun ha embellì il di Nordic Culinaric.
RTR, Andreas Wieland
Cumenzà ha il di Nordic Culinaric cun in ensolver a Trun cun da tuttas sorts chaschiel, liongias, paun e tarschola. Silsuenter èn partids curridras e curriders en il stil classic, mes’ura pli tard tut ils auters ch’èn sa mess sin viadi direcziun Mustér en il stil liber. Adina puspè hai dà posts cun bavrondas, tés, paun, paun cun pèra, simplamain per mintgin insatge. Mintgin ha pudì currer sco el ha vulì, tgi pli plaun e tgi pli spert. Era ha mintgin pudì decider sez quant lunsch ch’el ha vulì currer.
audio
Bunura: «Nordic culinaric»
02:56 min, ord Actualitad dals 11.02.2019.
laschar ir. Durada: 2 minutas 56 Secundas.
Reclama per loipa Cadi e products indigens
L’intent da quest’occurrenza saja da far enconuschenta la loipa Cadi tranter Trun e Mustér, ma er da far enconuschent il sport da passlung e dasperas er far reclama per ils products dals purs indigens, di Flurin Maissen dal comité d’organisaziun. Els sajan pli che cuntents cun l’ediziun Nordic Culinaric 2019 e quai animeschia da cuntinuar er in auter onn cun quest'occurrenza sportiva e culinarica.
audio
Nordic Culinaric – intervista cun biatlet Eligius Tambornino
04:40 min, ord Sportissimo dals 09.02.2019.
laschar ir. Durada: 4 minutas 40 Secundas.
Ina sentupada cun ils collegas
A la partenza da Nordic Culinaric è era stà il biatlet Eligius Tambornino ch’ha per ina giada er prendì in zic pli pacific sin sia loipa da chasa. I saja er impurtant da currer magari in zic pli plaun e giudair la cumpagnia. Suenter in’emna pulit dira cun blers trenaments d’interval saja el stà leds da pudair giudair in bel di pli pacific avant ch’i giaja lura en curt als campiunadis d’Europa da biatlon a Minsk en la Bielorussia, uschia Tambornino.
