Siglir tar il cuntegn

Header

cuntegn

Regiunal Fanny Smith gudogna, umens trumpeschan

A moda suverana ha la giuvna svizra Fanny Smith gudagnà l’emprima da 2 cursas da la cuppa mundiala da skicross ad Arosa.

Davent dal 8avelfinal ha Smith mussà bunas prestaziuns ed è sa qualifitgada senza problems per il final. Là ha ella gì pli grondas miserias. La partenza n’è betg gartegiada bain, sin ils davos meters ha ella dentant anc pudì surpassar la Svedaisa Anna Holmlund ch’è vegnida segunda. Sin plaz 3 è la Franzosa Ophélie David.

Ils umens Svizzers n’èn betg vegnids sin turas

Surtut dal Grischun Alex Fiva, che aveva gudagnà l’onn passà ad Arosa, dastgavan ins spetgar in plaz davant. El è dentant crudà ora gia en l’8avelfinal. Uschia era Patrick Gasser e Peter Stähli. Persuenter ha Jonas Lenherr procurà per ina surpraisa. Il skiunz dal cader B è vegnì enfin il mezfinal, nua ch’el è lura crudà. A la fin hai tanschì per plazza 8. Quai che munta la meglra rangaziun da la carriera.

Gudagnà la cursa ha il Svedais Victor Öhling Norberg avant il Russ Sergey Ridzik ed il franzos Bastien Midol.

Sonda è gia la proxima cursa da la cuppa mundiala da skicross ad Arosa.

(RR novitads a las 15:00)

Artitgels legids il pli savens