EHC San Murezzan egualisescha seria

Il club da hockey San Murezzan ha battì il EHC Uzwil cun 5:1.

hockey sin glatsch

Legenda da maletgs: La squadra engiadinaisa ha gì in maun il gieu durant tut la partida RTR, R. Mayer

Cun quai ha la squadra dal trenader Adrian Gantenbein egualisà la seria dal quartfinal dals playoffs segunda liga sin 1 :1.

Suenter ch'ils Engiadinais avevan manà il gieu cleramain cun 4:0, è la partida anc daventada plain tensiun durant il segund terz. Surtut ils chastis per omaduas squadras èn stads numerus en la segunda mesadad dal gieu. Finalmain ha l'EHC San Murezzan dentant gudagnà cunter Uzwil cun 5:1.

Il proxim inscunter da la seria ha lieu gievgia saira, ils 25 da favrer 2016 ad Uzwil.

En l'auter gieu da playoff cun participaziun grischuna ha Partenz/Signuradi gudagnà ordaifer cunter Chiasso cun 4:1. Partenz/Signuradi maina en la seria cun 2:0.

Playoff 1/4 final segunda liga ost

Equipa
Victorias
Equipa
Victorias
Dürnten Vikings
Kreuzlingen-Constanza
3
0
Partenz-Signuradi
Chiasso
3
0
Uzwil
San Murezzan
2
2
Herisau
Küsnacht
1
3
Modus: Best of five