Siglir tar il cuntegn

Header

cuntegn

Regiunal Dunnas Cdh Engiadina – emprima sconfitta

Suenter duas victorias perdan l’equipa da las dunnas dal Cdh Engiadina il gieu encunter las dunnas da Rapperswil Jona cun 0:5.

Per las dunnas dal Cdh Engiadina ha cumenzà il nov campiunadi en liga naziunala C cun duas victorias. Encunter Basilea ed era encunter Son Gagl ha l’equipa engiadinaisa gudagnà. Ina giada cun 9:4, l’autra giada cun 5:4. Questa fin d’emna è stada la terza partida dal nov campiunadi e quella partida ha l’equipa da las dunnas dal Cdh pers. Quai cun 0:5 encunter Rapperswil.

audio
Jon Corsin Rizzi davart buna partenza dunnas Cdh
ord Sportissimo dals 14.10.2018.
laschar ir. Durada: 3 minutas 45 Secundas.

Malgrà la sconfitta, ina buna partenza

Las gruppas en liga naziunala da las dunnas sa cumponan in zichel auter che anc la stagiun passada. Uschia n'èsi betg dal tut cler quant fermas che las novas concurrentas èn. Durant las emprimas duas partidas ha l’equipa feminina dal Cdh Engiadina fatg quattordesch gols. En la terza partida encunter in adversari nunenconuschent n'è quai dentant betg pli gartegià.

Adina vinavant

Era per l’equipa da las dunnas dal Cdh Engiadina vala durant questa stagiun il motto: cumbatter. Gest in pèr dunnas cun blera experientscha na fan betg pli part da l’equipa. Giuvnas avessan da surprender questa incumbensa. Quai è dentant difficil. Era tar las dunnas è la quantitad da giugadras en Engiadina fitg limitada.

RR sportissimo 17:00

Artitgels legids il pli savens