Siglir tar il cuntegn

Regiunal Domat vul dapli che mo evitar la relegaziun

Il club da ballape da Domat è enavos en la segunda liga e vul era restar là. In plaz amez la tabella è la finamira. In' auta finamira, ma ils da Domat van cun in cader constant ed intgins novs giugaders en la nova stagiun.

equipa da Domat festivescha il return en la segunda liga
Legenda: La primavaira han ils da Domat pudì festivar la promoziun en segunda liga, quai suenter 2 onns en la terza. mad

Ch' i na vegn betg simpel en segunda liga, quai san tant ils giugaders sco era il trenader e president dil club da ballape da Domat, Walter Frizzoni. Surtut el, ch'è gia dapi onns a la lingia da l' equipa da Domat. Ma tuttina è la finamira betg da simplamain restar en la segunda liga, mabain da sa rangar entamez la tabella. Ina finamira pulit auta, ma il trenader e persvadì che sia equipa e pronta per quella sfida.

7 novs giugaders

La gronda part dil cader stat vinavant a disposiziun. Vitiers vegnan 7 novs giugaders. Tranter auter Pierin Frizzoni, il figl dal trenader Walter Frizzoni. El ha dà fin uss tar diversas equipas a Turitg e conturn en l'emprima liga e vegn a rinforzar il champ central.

L'emprim gieu da la stagiun dat Domat sonda saira, ils 19 d'avust da las 16:00 a chasa cunter la segunda equipa dil club da ballape da Vaduz.

RR actualitad 07:00