Siglir tar il cuntegn
Inhalt

Regiunal Domat batta Schluein Glion cun 1:0

En la segunda liga regiunala hai dà sonda suentermezdi a Domat il derby grischun tranter Domat e Schluein Glion. I n’è dentant betg be stà in derby, mabain er in cumbat cunter la relegaziun.

Domta cunter Schluein Glion
Legenda: Domat ha gudagnà cun 1:0 a chasa cunter Schluein Glion e fa il pass sur il stritg. RTR, U. Lechmann

Domat era avant il gieu sut il stritg, Schluein Glion cun 2 puncts dapli stgars sur il stritg. In classic gieu da 6 puncts. Cun la meglra fin per ils da Domat. L’equipa da Walter Frizzoni ha gudagnà cun 1:0 a chasa cunter l’equipa Schluein/Glion. Il positiv per Schluein/Glion è, ch’els restan anc sur il stritg. Dentant be cun 1 punct avantatg sin in plaz da relegaziun.

Per Domat èsi stà in’impurtanta victoria. Ins ha pudì far il pass sur il stritg e surpassar Schluein Glion en la tabella. Mo era cun quella victoria ed ils 3 puncts, è Domat anc adina involvì en il cumbat da relegaziun.

Domat dat dumengia che vegn il proxim gieu ordaifer a Montlingen. Per Schluein Glion vai vinavant sonda proxima, a chasa encunter Steinach.

RR Sportissimo 12:00