Dario Cologna gudogna «La Diagonela» estiva

Cun 46 minuts e 46 secundas è el stà 20 secundas pli spert che Curdin Perl. Tar las dunnas ha gudagnà cun la Tscheca Katerina Smutna la victura dal Vasaloppet. La Diagonela estiva è la cursa da 14 kilometers cun skis da rodas da Zuoz - La Punt - sin il pass da l'Alvra.

Curriders sin skis da rodas partan a Zuoz.

Legenda da maletgs: Dario Cologna (nummer 1) gia da la partenza a la testa da la cursa. mad

Suenter Dario Cologna (46'46") èn Curdin Perl e Linard Kindschi vegnì ensemen entras l'arrivada. Els perdan 20" sin Cologna. Quart è Jason Rüesch e tschintgavel Ilia Chernoussov.

Per ils sportists che curran lungas distanzas è il trenament durant la stad il pli impurtant. Per porscher als atlets d’enviern era durant la stad ina cumpetiziun, datti quest onn per la segunda giada l’ediziun da stad da «La Diagonela», la Diagonela Summer Race.

Per la cursa eran s'annunziads radund 80 partecipantas e partecipants. Tar «La Diagonela» estiva fan las atletas ed ils atlets ils 14 km da lunghezza e 600 meters dad autezza da Zuoz sin il Pass da l'Alvra cun ils skis a rodas.

Il pendant invernal è cun skis da passlung ils 21 da schaner.

RR novitads 18:00