Siglir tar il cuntegn

Header

cuntegn

Cuppa grischuna CB Trun/Rabius en il mezfinal

Ils Sursilvans ha battì ordaifer il CB Untervaz cun 5:0 ed uschia cuntanschì a moda suverana il mezfinal da la cuppa grischuna.

Il CB Trun/Rabius che dat en la terza liga regiunala n’ha laschà nagina schanza a l’equipa dad Untervaz che dat en la quarta liga regiunala. Suenter in autogol gia en la 7avla minuta ha Robin Monn augmentà en la 17avla minuta al 2:0. Suenter pausa ha Gianin Derungs decidì il gieu cun dus gols tranter la 61avla e la 64avla minuta. Cun ses segund gol ha Robin Monn procurà curt avant la fin per il resultat final da 5:0.

La fin d’emna vegni tar duas ulteriuras partidas da quartfinal da la cuppa grischuna. La sonda frunta Cuira 97 (4. liga) sin l’US Schluein Glion (3. liga) e la dumengia dat il FC Landquart (3. liga) encunter Valposchiavo Calcio (3. liga). Pir mez november suonda lura anc il davos duel da quartfinal tranter il CB Surses (4. liga) e Tusaun/Cazas (3. liga).

Novitads 10:00

Artitgels legids il pli savens