Siglir tar il cuntegn

Header

Navigaziun

Zernez è pront per il maraton da velo.
Legenda: Zernez è pront per il maraton da velo. RTR, Roman Dobler
cuntegn

Regiunal Cun il velo da via enturn il Parc Naziunal

Il maraton da velo a Zernez è il pli grond eveniment da quest gener en Grischun. A la cursa fan part 1’500 ciclistas e ciclists.

Gia per la 14avla giada datti en la regiun da Zernez e dal Parc Naziunal il maraton da velo. La cursa attira onn per onn a circa 1’500 ciclistas e ciclists, ed è ina part impurtant dal program da stad da la regiun.

La cursa datti en duas variantas:

  • La varianta curta davent da Zernez il giro enturn il Parc Naziunal.
  • La varianta pli lunga spetga lura anc cun il latsch sur il Pass dal Flüela ed il Pass dil Alvra.

Da nov datti er in prolog

Quest onn vai gia liber la sonda. Per l’emprima giada spetga in prolog: Ina cursa da 6,6 kilometers da Zernez fin ad Ova Spin. Per la victoria datti puncts. Puncts, che las ciclistas ed ils ciclists san alura era gudagnar sin ils pass da la cursa ordinaria:

La sportista ed il sportist cun ils pli blers puncts vegn curunà a la fin da la cursa sco regina e retg dal maraton da velo a Zernez

La gronda sfida – il traffic

La cursa dal maraton da velo vegn fatga amez il traffic ordinari e fa uschia part da quel. Ils trajects da la cursa na vegnan betg serrads.

Quai pretenda mesiras da segirezza supplementaras. Bunamain 30 töfs e numerusas persunas, che reguleschan il traffic, garanteschan per la segirezza sin via:

Pervia dad in plazzal da fabrica sin il pass da l’Alvra vegn la cursa neutralisada durant la cursa aval da l'Alvra fin a La Punt. Da là davent san las ciclistas ed ils ciclists puspè attatgar.

RR sportissimo 17:20