Siglir tar il cuntegn

Header

Navigaziun

dar ballape
Legenda: Resultats ballape 2. e 3. liga. pixelio.de
cuntegn

Regiunal Cuira dat be pari 2:2 cunter Alstätten

L’autra equipa grischuna en 2. liga, Schluein Glion perda cunter Rorschach cun 0:1. En 3. liga gudogna Tusaun Cazas cunter Vaz Sut cun 5:1 e Domat gioga pari 2:2 cunter Sevelen.

En segunda liga da ballape n’ha Cuira 97 per la prima giada betg gudagnà. Suenter sis victorias en seria, ha Cuira giugà per l’emprima giada pari 2:2 e quai cunter Altstätten. Cuira resta però a la testa da la tabella cun 19 puncts.

Schluein Glion ha pers per la 5avla giada en seria. Questa giada però be cun 0:1 cunter Rorschach.

3 liga: Tusaun Cazas – Vaz Sut 5:1, Domat – Sevelen 2:2

En terza liga ha Tusaun Cazas augmentà in pau l’avantatg vers Domat. Tusaun Cazas ha gudagnà cun 5:1 cunter Vaz Sut. Entant ha Domat, ch’è sin plaz dus da la tabella, giugà pari 2:2 cunter Sevelen.

RR sportissimo 17:00