Siglir tar il cuntegn

Regiunal Cuira 97 resta en la segunda liga interregiunala

Grazia al pari da 1:1 cunter Frauenfeld vegn l’equipa da la chapitala grischuna da far il pass sur il stritg. Uschia resta Cuira 97 l’equipa grischuna che gioga en la pli auta liga. Perencunter vegn l’equipa da ballape da Domat relegada da la segunda liga regiunal en terza liga.

L'equipa da Cuira
Legenda: L'equipa da Cuira 97 resta en la 2. liga interregiunala. MAD

En l’ultima partida da la stagiun vegn l’equipa da Cuira ordaifer cunter Frauenfeld tar in pari da 1:1. Uschia surpassan ils Grischuns la squadra da Schaffusa. Lez han pers l’ultima partida cunter Rüti.

L'equipa da Domat sto far il pass en la terza liga.
Legenda: L'equipa da Domat sto far il pass en la terza liga. mad

Domat sto ir en terza liga

Perencunter na vegn il club da ballape da Domat relegà da la segunda liga regiunala en la terza liga. En l’ultima partida dal campiunadi ha l’equipa da Domat giugà sulet in pari da 3:3 cunter il davos da la tabella Diepoldsau. Per restar en la segunda avess Domat stuì gudagnar la partida. L’equipa grischuna aveva pir la stagiun passada fatg il pass da la terza en segunda. Uss fruntan ils da Domat puspè sin las equipas sursilvanas da Schluein/Glion e da nov era sin il CB Lumnezia.

RR novitads 21:00