Siglir tar il cuntegn

Header

cuntegn

Regiunal Cool e lessig al “Fatbike Battle” a Caischavedra

La premiera da l’emprim “Fatbike Battle” a Caischavedra en il territori da skis da Mustér è gartegiada. Bun 30 persunas han giudì il venderdi saira l’emprima concurrenza cun fatbikes insumma en il chantun Grischun.

Sascha Deplazes gudogna

En in sprint da circa 400 meters han mintgamai 3 participants concurrenzà in encunter l’auter cun quests fatbikes, mountainbikes cun rodas ladas e profils extrems che lubeschan dad ir sin la naiv. Ils dus emprims da mintga sprint èn vegnids ina runda vinavant, per il terz è la cursa mintgamai stada a fin. La finala ha Sascha Deplazes da Sedrun battì en il sprint final Remigi Maissen da Trun.

Cuntent cun premiera

En emprima lingia n’è dentant betg il resultat stà en il center, mabain il plaschair, il divertiment. Cuntent cun la premiera è oravant tut er Gabriel Candinas da Surrein stà, el ch’ha lantschà questa concurrenza. E sco Candinas ha tradì al Radio Rumantsch, vegnì en tutta cas er a dar l’onn proxim almain in “Fatbike Battle” a Mustér.

Artitgels legids il pli savens