Siglir tar il cuntegn

Header

cuntegn

Concours Hippique a Zuoz Gina Camichel – la matadora locala

Gia da pitschna era Gina Camichel da Zuoz fascinada dals chavals – gia da pitschna si va ella a sella. Ed ussa participescha ella al Concours Hippique.

Dapi blers onns participescha Gina Camichel da Zuoz al Concours Hippique. L’occurrenza che festivescha quest onn il giubileum da 50 onns è per la chavaltgadra da Zuoz la concurrenza da chasa. Gia da mattetta guardava ella sin ils chavals dal turnier e gia da mattetta vuleva ella siglir sco las chavaltgadras che faschevan part al Concours Hippique.

Concurrenza a chasa è speziala

Gina Camichel sa participescha gist ad in pèr differentas concurrenzas dal Concours Hippique. Per gronda part siglia ella cun ses chaval preferì «Genius von Wichenstein», in chaval da 20 onns or da la stalla dal bab Claudio Camichel. Cun quest chaval ha la chavaltgadra engiadinaisa gia fatg part a numerusas concurrenzas. Ella ed il chaval sa conuschan fitg bain. Tuttina dovri in tschert trenament. Surtut la persuna che sesa sin il chaval sto far trenaments.

audio
Gina Camichel - matadura locala al Concours Hippique
ord Actualitad dals 08.08.2019.
laschar ir. Durada: 2 minutas 52 Secundas.

Ir a la partenza e dar tut

Per Gina Camichel cumenza il Concours Hippique da quest onn cun ina concurrenza sur obstachels dad in meter. La devisa tar tut las provas è clera. Ir a la partenza e dar tut. La fin finala van ins a la partenza per gudagnar ed exact quai emprova la chavaltgadra indigena quests dis a Zuoz.

RR actualitad 07:00

Artitgels legids il pli savens