Siglir tar il cuntegn

Header

cuntegn

CM passlung juniors/U23 Cla-Ursin Nufer: «Jau dun tut en mintga cursa»

A Vuokatti en la Finlanda spetga il punct culminant da la stagiun sin ils giuvens passlungists. Dals 9 fin ils 14 da favrer 2021 cumbattan junioras e juniors sco era umens e dunnas sut 23 onns per medaglias als campiunadis mundials. A la partenza van era 15 atletas ed atlets svizzers.

video
Discurs cun Cla-Ursin Nufer a Vuokatti.
Or da Giuventetgna dals 06.02.2021.
laschar ir. Durada: 18 minutas 51 Secundas.

Tranter ils juniors figurescha er Cla-Ursin Nufer da Rueras. Il Tujetschin da 19 onns parta a tuttas quatter cursas, l’emprim al sprint en il stil classic, dus dis pli tard a la cursa da 10 kilometers en il stil liber, danovamain dus dis pli tard a la cursa da staffetta e sco finiziun a la cursa roiala sur 30 kilometers en il stil classic cun partenza en massa.

Il siemi fiss ina medaglia, realistic è in plaz sut ils top 12.
Autur: Cla-Ursin Nufer passlungist, categoria juniors

La furma constat, quai ha Cla-Ursin Nufer demonstrà il davos temp, er sch’i na dacurt betg tanschì per ina medaglia a las emprimas cursas dal campiunadi svizzer a Sedrun.

audio
Cla-Ursin Nufer davart sias finamiras a Vuokatti.
ord Actualitad dals 07.02.2021. Maletg: swiss-ski.ch
laschar ir. Durada: 2 minutas 9 Secundas.

L’entschatta december a Goms en il Vallais e la fin december a Campra en il Tessin ha Cla-Ursin dentant gudagnà duas cursas da la cuppa svizra ed uschia mussà ch’el vala il mument sco in dals megliers juniors da passlung en Svizra. Al campiunadi mundial survegn el dentant pli gronda concurrenza, principal ord la Scandinavia.

Vuokatti enstagl Zakopane

Pervia da la pandemia da corona na vegn quest campiunadi mundial betg manà atras sco previs a Zakopane en la Pologna, mabain a Vuokatti, bunamain 500 kilometers en il nord da Helsinki amez la Finlanda. Zakopane astga lura organisar il campiunadi mundial il 2022.

audio
Cla-Ursin Nufer davart la regiun Vuokatti FIN.
ord Actualitad dals 07.02.2021. Maletg: keystone
laschar ir. Durada: 2 minutas 35 Secundas.

Durant che Vuokatti è ina regiun pauc enconuschenta per atletas ed atlets da l'exteriur treneschan ils Finlandais savens en quella regiun. Sco quasi tar tut las occurrenzas da sport vegn er quest campiunadi mundial manà atras senza public.

passlung
Legenda: 15 atletas ed atlets svizzers a la chatscha da medaglias a Vuokatti. Keystone


Swiss-Ski ha selecziunà ils suandants atlets per il campiunadi mundial da passlung dals juniors ed U23:

Junioras

  • Anja Weber
  • Nadja Kälin (San Murezzan)
  • Siri Wigger
  • Marina Kälin (San Murezzan)
  • Ramona Schöpfer

Juniors

  • Antonin Savary
  • Nicola Wigger
  • Cla-Ursin Nufer (Rueras)
  • Niclas Steiger (Samedan)
  • Ilan Pittier

Dunnas U23

  • Désirée Steiner (Tavau)
  • Lea Fischer

Umens U23

  • Valerio Grond (Tavau-Monstein)
  • Cyril Fähndrich
  • Janik Riebli

RTR actualitad 11:00;

Artitgels legids il pli savens