Siglir tar il cuntegn
Inhalt

Regiunal Christian Haller terminescha sia carriera

Il snowboardist da Zernez terminescha suenter 10 onns sia carriera sco spezialist en la halfpipe.

Purtret da Christian haller en acziun.
Legenda: Christian Haller en acziun en la mesapipa. MAD

Dapi il 2007 ha Christian Haller tutgà tar ils megliers dal mund en la mesapipa. L'Engiadinais ha cuntanschì set plazzas da podest en la cuppa mundiala tranter auter ina medaglia da bronz en ils X-Games 2011.

Jau less ma concentrar sin in studi e far dasperas anc films da snowboard.
Autur: Christian HallerSnowboardist

Haller è stà 2012 segund e 2013 terz dal classament general da la "World Snowboard Tour". El ha duas giadas fatg part a gieus olimpics (Vancouver 2010 e Sotschi 2014). Avant in onn ha el rut il record cun in sigl sin in'autezza dad 11,3m. Ils ultims onns ha Haller fatg plirs films da snowboard che demonstreschan l'estetica dal sport.

RR novitads 16:00