Siglir tar il cuntegn

Header

cuntegn

Regiunal Chasing Cancellara ad Andermatt

Esser pli spert che Fabian Cancellara d’Andermatt sin il pass Alpsura, quai è stà la finamira da la cursa «Chasing Cancellara» ad Andermatt en il chantun Uri. Bun 100 ciclistas e ciclists èn stads a la partenza a quella cursa da bun 11 kilometers cun radund 600 meters differenza d’autezza.

Nov ciclists han cuntanschì l’arrivada sin il pass Alpsura avant Fabian Cancellara ch’è vegnì 10avel. Il pli spert, il Tessinais Matteo Barloggio ha duvrà strusch 29 minutas ed è stà bunamain duas minutas pli spert che l’anteriur campiun olimpic e campiun mundial en la cursa cunter l’ura. Er a la partenza è stà l’anteriur skiunz ed expert da skis tar SRF, Bernhard Russi. Per el èsi stà ina cursa gist avant isch-chasa.

Per Fabian Cancellara è l’impurtant da questa cursa stà il contact cun ils participants. Duas ulteriuras ediziuns da «Chasing Cancellara» datti il settember, l’emprim ad Aigle – Villars-sur-Ollon e lura a Lugano.

RR sportissimo 12:00

Artitgels legids il pli savens