Siglir tar il cuntegn

Header

video
Champ da hockey a Scuol
Or da Giuventetgna dals 06.07.2020.
laschar ir. Durada: 52 Secundas.
cuntegn

Champ da trenament a Scuol Per ina giada pli spert ch'ils profis

Uffants da l’entira regiun treneschan durant quest’emna a Scuol per la proxima stagiun. I saja puspè uras per il champ da trenament da hockey.

Entant ch'ils profis da hockey giaudan anc in zichel il temp da stad senza hockey, èn ils uffants gia puspè enavos sin il glatsch. A Scuol en Engiadina Bassa s’entaupan adina durant las vacanzas da stad uffants e giuvenils per il tradiziunal champ da trenament da hockey. Quest’emna èn varga quaranta uffants da la partida. La gronda part dad els giogan tar il Cdh Engiadina. Intgins vegnan er d'autras equipas sco dal EHC Samedan, dal EHC San Murezzan, da Lai Valbella o era dal Tirol dal Sid. Ils uffants emprendan e treneschan en la halla da glatsch da Gurlaina il sport da hockey.

Program l’entir di

Il di è fitg structurà. Gia l’avantmezdi s’entaupan ils uffants davant la halla da glatsch. Sco emprim vegn sa stgaudà en. Suenter dattan ils uffants magari in per gieus per trenar uschia era la coordinaziun. Alura spetga la midada sin il glatsch. En mondura cumplaina cuntinuescha il trenament sin il glatsch.

audio
Champs da trenament da hockey per uffants a Scuol
ord Actualitad dals 06.07.2020.
laschar ir. Durada: 6 minutas 25 Secundas.

Trenaders professiunals sco era Benny Wunderer, il trenader dal Cdh Engiadina, instrueschan ils uffants sin il glatsch. La finamira è da vegnir pass per pass in meglier giugader. Il plaschair e la cumpagnia cun ils auters uffants e giuvenils dessan sa chapescha er avair lieu durant quest emna.

RTR actualitad 12:00

Artitgels legids il pli savens