Regiunal - Casanovas e Huser triumfeschan al Swiss Irontrail 2015

Ramon Casanovas dal chantun Neuchâtel ha surpiglià la testa a Lai suenter 160 da 200 kilometers e la finala triumfà cun in avantatg da pass in’ura e mesa sin il Talian Alexander Rabensteiner. Terz è vegnì l’austriac Rene Langgartner. Meglier currider grischun en la cursa roiala è stà Livio Bezzola da Cuira. El è vegnì 11avel en in temp da bun 44 uras. Plinavant è Adrian Willi vegnì 13avel en in temp da bun 46 uras e Damian Dosch 21avel en in temp da bun 47 uras.

1 / 21

Legenda: Damian Dosch da Savognin en discurs cun il president dal Swiss Irontrail, Andrea Tuffli. RTR, A. Wieland

2 / 21

Legenda: Damian Dosch ha cuntanschì l'arrivada da la cursa da 200 km dal Swiss Irontrail RTR, A. Wieland

3 / 21

Legenda: Ramon Casanovas a l'arrivada dal Swiss Irontrail a Tavau. RTR, A. Wieland

4 / 21

Legenda: Andrea Huser gudogna il T201 dal Swiss Irontrail 2015. RTR, A. Wieland

5 / 21

Legenda: Damian Dosch (dretg en mellen) cun dus ulteriurs participants avant la partenza da la cursa roiala T201. RTR, A. Wieland

6 / 21

Legenda: Stefan Sigron da Domat cun in cumpogn a la cursa roiala. RTR, C. Josty

7 / 21

Legenda: Andrea Huser, la dominatura dal Swiss Irontrail 2015. RTR, C. Josty

8 / 21

Legenda: Livio Bezzola da Cuira ha terminà il T201 sco 11avel ed è uschia stà il pli spert Grischun. RTR, C. Josty

9 / 21

Legenda: Sertig suenter 11 da 200 km. RTR, A. Wieland

10 / 21

Legenda: Michael Büchi da Puntraschigna al post a Bravuogn. Büchi è a la testa ed in dals gronds favurits. RTR, A. Wieland

11 / 21

Legenda: Per mintgin insatge - post a Bravuogn suenter 34 da 200 km. RTR, A. Wieland

12 / 21

Legenda: Damian Dosch a Bravuogn. RTR, A. Wieland

13 / 21

Legenda: Curriders dal T201 vers il Pass da l'Alvra. RTR, A. Wieland

14 / 21

Legenda: Ina culissa magifica al Swiss Irontrail (Lai da Palpuogna). RTR, A. Wieland

15 / 21

Legenda: Curriders dal T201 vers Muottas Muragl. RTR, A. Wieland

16 / 21

Legenda: Impressiuns davent da Muottas Muragl, in dals puncts culminants dal Swiss Irontrail. RTR, A. Wieland

17 / 21

Legenda: Impressiuns davent da Muottas Muragl, in dals puncts culminants dal Swiss Irontrail. RTR, A. Wieland

18 / 21

Legenda: Grond sustegn per Damian Dosch a Savognin. RTR, A. Wieland

19 / 21

Legenda: Sulet intginas vaschias suenter 135 da 200 km, uscheglio vai bain cun Damian Dosch. RTR, A. Wieland

20 / 21

Legenda: Sper tut ils strappazs pren Damian Dosch anc peda per dar pled e fatg ad RTR. RTR, A. Wieland

21 / 21

Legenda: Er noss reporter Andreas Wieland gauda la vista magnifica al Swiss Irontrail 2015 :-) RTR, A. Wieland

Andrea Huser ina classa per sa sezza

Tar las dunnas n’ha Andrea Huser da Aeschlen ob Gunten en il chantun Berna laschà nagina schanza a la concurrenza. L’anteriura ciclista da mountainbike ha cuntanschì l’arrivada sco segunda insumma da tut ils 200 participants dal T201. Huser ha pers sin il pli spert um, Ramon Casanovas, be 33 minutas. Huser ch’ha 41 onns ha gudagnà tar las dunnas cun in avantatg da passa 6 uras sin Denise Zimmermann da Mels che veva gudagnà avant in onn il Swiss Irontrail. Terza è vegnida Jeanette Dalcolmo da Claustra cun in retard da gia passa 12 uras. Ina buna prestaziun ha er Manuela Baselgia da Lantscha mussà. El ha terminà la cursa sur 200 kilometers sco 5avla en in temp da bun 51 uras.

T201 - ina cursa extrema

Il Swiss Irontrail è ina cursa da currer extrema, ina cursa sur culms e vals dal Grischun cun partenza ed arrivada a Tavau. La cursa roiala pretenda tut da las curridras ed als curriders, quai fisicamain, psichicamain e tecnicamain. Igl è il pli lung e dir ultra-trail da las Alps.

Serrar

03:29

video

Damian Dosch in di avant il Swiss Irontrail 2015

Or da Actualitad dals 19.08.2015.

laschar ir. Durada: 3 minutas 29 Secundas.

00:12

video

Damian Dosch arriva a Savognin, kilometer 135 da 200.

Or da RTR dals 14.08.2015.

laschar ir. Durada: 12 Secundas.

00:30

video

Damian Dosch a l'arrivada a Tavau.

Or da RTR dals 15.08.2015.

laschar ir. Durada: 30 Secundas.

In termin fix en il chalender

Il 2012 ha il Swiss Irontrail, organisà dal bab dal Swissalpine Andrea Tuffli, gì premiera. Oz è questa cursa gia nudada fix en il chalender dals fans dad ultratrails ch’han gudagnà ils davos onns gronda simpatica. Adina pli lunsch, adina pli extrem, uschia il trend. Al Swiss Irontrail partan quest onn passa milli curridras e curriders, 200 dad els sur la distanza roiala da 200 kilometers cun 11’440 meters differenza d’autezza. Tut ils auters partan en las ulteriuras cursas pli curtas.

Blers puncts culminants

Il Swiss Irontrail cumenza e va a fin a Tavau. Tar ils puncts culminants audan franc e segir il traject vers Muottas Muragl, il Pass Lunghin, il Pass Set, il Weisshorn sur Arosa e sa chapescha la Fuorcla Surlej ch’è cun 2’755 meters sur mar il tetg dal Swiss Irontrail 2015.

Ruta dal T201

Tavau – Pass Sertig – Bravuogn – Fuorcla Crap Alv – Samedan – Muottas Muragl – Puntraschigna – Fuorcla Surlej – Segl – Malögia – Pass dal Set – Beiva – Alp Flex – Savognin – Casti – Lai – Urdenfürggli – Weisshorn – Arosa – Medergen – Pass da la Striera – Tavau

Legenda: Il schef-cuschinier dal post a Samedan, Rico Florin (entamez) è pront per ils curriders. RTR, A. Wieland

Grond post da nutriment a Samedan

A Samedan han ils curriders dal Swiss Irontrail cuntanschì bain ina quarta da la cursa (55 da 200 km). La gronda massa dals participants arrivan qua vers la gievgia saira.

A Samedan sa chatta era in dals emprims gronds posts da nutriment, nua ch’i vegn purschì als curriders era differents menus. Responsabel per la cuschina è Rico Florin. Quai gia per la quarta giada.