Siglir tar il cuntegn

Regiunal Carlo Janka avant la stagiun olimpica

Carlo Janka trenescha il mument a Cuira forza e cundiziun per avair success duront la stagiun 2017/2018, ina stagiun cun il punct culminant, ils gieus olimpics d'enviern a Pyeongchang.

Carlo Janka
Legenda: Carlo Janka – dapi onns mintgamai in candidat da medaglia tar eveniments gronds. Keystone

La stagiun vargada n'è betg dal tut stada la stagiun da Carlo Janka. Magari ha il skiunz da Sursaissa gì disfortuna cun il material o lura cun la situaziun da la naiv. U lura era Carlo Janka simplamain memia plauns. E tuttina ha il campiun mundial ed olimpic pudì festivar in bel success. El ha gudagnà ses emprim supergigant sin la pista olimpica dal proxim enviern a Pyeongchang en la Corea dal Sid.

Igl è segir bel da turnar cun tals sentiments en in lieu da success.
Autur: Carlo Jankacampiun mundial ed olimpic

Era il proxim enviern vul Carlo Janka puspè attatgar, il pli fitg en las disciplinas spertas, cursa rapida e supergigant, dentant er en la cumbinaziun nua che Janka è adina in candidat da medaglias.

RR sportissimo 17:00