Campiunadis grischuns - Sin loipa en chautschas curtas e t-shirt
Sedrun ha organisà la fin d’emna las cursas dals campiunadis grischuns da passlung. Igl è vegnì cumbattì per ils titels en diversas categorias – dals giuvens sut 12 onns fin tar ils creschids.
La sonda èn stadas las cursas singulas en il stil classic, la dumengia hai dà in sprint d’equipa, quai en il stil liber. La gronda attracziun als campiunadis grischuns a Sedrun è stada Jonas Baumann, il currider da la cuppa mundiala ch’ha gudagnà il titel tar ils gronds. Plinavant ha tranter auter il matador local Cla-Ursin Nufer il titel tar ils U18.
audio
Campiunadis grischuns da passlung: Guido Friberg tira facit positiv
02:51 min, ord Sportissimo dals 24.03.2019.
laschar ir. Durada: 2 minutas 51 Secundas.
audio
Giuvens Tuatschins suenter sprint d'equipa
02:41 min, ord Sportissimo dals 24.03.2019.
laschar ir. Durada: 2 minutas 41 Secundas.
audio
Victur dal sprint d'equipa Severin Bonolini e frars Camathias
02:51 min, ord Sportissimo dals 24.03.2019.
laschar ir. Durada: 2 minutas 51 Secundas.
Blers participants e temperaturas da stad
Tut en tut èn exact 100 passlunghistas e passlunghists da l’entir chantun Grischun sa participads a las cursas singulas da la sonda e radund 110 persunas a las cursas da staffetta da la dumengia. Il president dal comité d’organisaziun, Guido Friberg, tira in facit cumplettamain positiv, era grazia a la bell’aura. Intgins curriders han nizzegià las autas temperaturas cun currer ina giada sulet en t-shirt e chautschas curtas.