Siglir tar il cuntegn

Header

Cla-Ursin Nufer
Legenda: Cla-Ursin Nufer da Sedrun, in dals favurits al campiunadi svizzer sin sia loipa da chasa. Andreas Wieland
cuntegn

Campiunadi svizzer da passlung Toni Cathomen: «La naiv vegn en in tup mument»

Mintga fan da passlung sa legra da la naiv. Per ils organisaturs dal campiunadi svizzer ch’ha lieu questa fin d’emna a Sedrun vegnan las navadas però en in tup mument.

audio
Toni Cathomen: «Naiv gie, ma betg ussa»
00:14 min, Actualitad dals 14.01.2021.
laschar ir. Durada: 00:14 minutas.

La loipa a Sedrun era semtgada per las emprimas cursas dal campiunadi svizzer. Las relaziuns fissan stadas perfetgas – propi loipas da siemi, di il caucursa, Toni Cathomen. La situaziun da l’aura na possian ins dentant betg influenzar. La naiv nova pretenda uss dentant blera lavur e gronds sforzs per preparar ina buna loipa per ils radund 150 curridras e curriders ch’èn s’annunziads fin uss per quest campiunadi svizzer.

Privel da lavinas fa quittads

Pervi dal mantun naiv nova quels dis na sajan las cursas dentant betg periclitadas, uschia Toni Cathomen. Il problem saja dentant, sche las vias restian serradas ord motivs da segirtad e sch’il tren na curseschia betg.

audio
Toni Cathomen: «Il problem èn las vias serradas»
00:11 min, Actualitad dals 14.01.2021.
laschar ir. Durada: 00:11 minutas.

Al campiunadi svizzer da passlung vegn cumbattì questa fin d’emna a Sedrun per ils titels en las cursas da distanza curta ed en las cursas da persecuziun. La fin da mars suonda lura la segunda part da quest campiunadi svizzer 2021. Lura vegn cumbattì en la Val Tujetsch per ils titels en il sprint, en las cursas da distanza sco er en las cursas da staffetta.

Actualitad 17:00

Artitgels legids il pli savens

Scrollar a sanestra Scrollar a dretga