Campiunadi svizzer a Sedrun - Ils da Tavau procuran per la musica

1 / 6

Legenda: Relaziuns da siemi e blera naiv a Sedrun. Andreas Wieland

2 / 6

Legenda: Pervia da Corona èn las cursas vegnidas manadas atras senza public. Andreas Wieland

3 / 6

Legenda: Sulegl, blera naiv e temperaturas bassas a Sedrun. Andreas Wieland

4 / 6

Legenda: Il campiunadi svizzer a Sedrun è vegnì organisà dal Club da skis Sedrun ensemen cun Swiss Ski. Andreas Wieland

5 / 6

Legenda: A l'emprim di è stà sin il program las cursas cun partenza singula. Andreas Wieland

6 / 6

Legenda: Las medaglias per ils emprims trais da mintga categoria. Andreas Wieland

audio

In di perfetg per Alina Meier da Tavau.

02:39 min, ord Actualitad dals 16.01.2021.

laschar ir. Durada: 2 minutas 39 Secundas.

Per Jason Rüesch èsi gia il quart titel da campiun svizzer. Il 2016 avev’el gudagnà la cursa da persecuziun, in onn pli tar la cursa da 15 kilometers ed in di pli tard er la cursa da persecuziun. A Sedrun ha Jason Rüesch ch’ha 26 onns triumfà avant Dajan Danuser e Livio Bieler da Panaduz.

Alina Meier, campiunessa svizra en la cursa da staffetta il 2016 ed en la cursa da 5 kilometers stil classic il 2018, ha gudagnà a Sedrun avant Anja Weber e Désirée Steiner, er ella ina curridra da Tavau. A la partenza è er stada Seraina Boner. L’anteriura passlungista da la cuppa mundiala e spezialista da distanzas lungas è vegnida 7avla.

audio

Intervista cun Cla-Ursin Nufer da Sedrun, 5avel cursa umens U20

03:38 min, ord Actualitad dals 16.01.2021.

laschar ir. Durada: 3 minutas 38 Secundas.

Cla-Ursin Nufer manchenta ina medaglia

Ina buna prestaziun ha er il mattadur local, Cla-Ursin Nufer mussà. El è vegnì en la categoria dals umens U20 5avel tar quest campiunadi svizzer sin sia loipa da chasa. Per in plaz da podest han sulet bun tschintg secundas mancà. Gudagnà tar ils umens U20 ha Antonin Savary.

Al segund di dal campiunadi svizzer a Sedrun spetgan la dumengia las cursas da persecuziun, quella dentant en il stil classic.