Siglir tar il cuntegn

Header

audio
Ballape: Champ d'uffants a Schluein
Or da Actualitad dals 06.08.2020.
laschar ir. Durada: 2 minutas 45 Secundas.
cuntegn

Camp da ballape a Schluein Las buobas èn pli disciplinadas

Per la 6avla giada organisescha MS Sports en l’Arena Crap Gries a Schluein in camp da ballape per uffants tranter 5 e 15 onns. Da la partida èn quest onn 127 uffants, principal uffants da la regiun. Al camp fan er part 12 buobas.

audio
Enrico Heiner (manader da project) e l'intent da quest camp
ord Actualitad dals 06.08.2020.
laschar ir. Durada: 19 Secundas.

La finamira da quest camp saja da porscher als uffants insatge che fetschia plaschair durant las vacanzas da stad, uschia Enrico Heiner, il manader da project. A quest camp da ballape possia mintgin sa participar, era uffants che na dettian uschiglio betg ballape. En il center stat il sport, ma ina gronda rolla gioghia er l’aspect social di Enrico Heiner.

In mund da buobs

Dals 127 uffants al camp a Schluein èn er 12 buobas da la partida, la gronda part buobas che dattan er uschiglio ballape en in club. Ellas sajan integradas fitg bain en quest mund da buobs di Enrico Heiner, quai funcziunescha senza problems.

Las buobas taidlan pli fitg sin il trenader ch’ils buobs che fetschian magari tge ch’els lessan.
Autur: Claudio Bundi trenader

Tenor ils responsabels dal camp sajan las buobas pli disciplinadas ch’ils buobs ed ellas prendian er dapli resguard. Mo i na vegnia en mintga cas betg fatg gronda differenza tranter buob e buoba. Il principal saja che mintgin haja ina bell’emna, tant sin la plazza sco er dasper la plazza da ballape.

Actualitad 07:00

Artitgels legids il pli savens