Siglir tar il cuntegn

Header

audio
Reavertura nova plazza da minigolf a Breil.
Or da Actualitad dals 25.06.2020.
laschar ir. Durada: 03:36 minutas.
cuntegn

Breil/Brigels Plazza da minigolf en in nov vestgì

Suenter bun trais onns da planisaziun, construcziun e montascha po la nova plazza da minigolf a Breil vegnir averta. La nova plazza che consista ord 18 vials ha custà radund 170’000.- francs.

La plazza da minigolf a Breil, che sa chatta tranter la plazza da golf ed il lai da Breil, datti gia dapi il 1992, pia dapi prest trais decennis. La plazza veglia ha uschia ademplì ses pensum ed ha ruassaivlamain dastgà ir en pensiun.

La nova plazza è vegnida construida d’ina firma tudestga. Ils 18 differents vials da 6,25 meters lunghezza cun ina paisa da mintgamai 2,5 fin a 4,3 tonnas èn vegnids producids ord betun per che quels restian er stabils durant ils mais d’enviern sin quest’autezza da 1’300 meters sur mar.

La nova plazza da minigolf en in vestgì blau-mellen duai cuntentar pitschen e grond, famiglias cun uffants sco er ils profis, uschia Marco Camartin, il president da l’Associaziun Minigolf Breil ch’ha per gronda finanzià quest project. Il rest dals custs han surpiglià ils padrinadis da mintga vial, quai èn fatschentas da la vischnanca e fatschentas regiunalas.

Actualitad 12:00

Artitgels legids il pli savens

Ir a sanester Ir a dretg