Siglir tar il cuntegn

Header

video
Ballape regiunal 3. liga – bilantscha stagiun 21/22 cun Trun/Rabius, Surses e Lumnezia
Or da RTR Social dals 14.06.2022.
laschar ir. Durada: 18 minutas 25 Secundas.
cuntegn

Bilantscha 3. liga Equipas rumantschas han gì pauc da rir

La stagiun da ballape 2021/22 è a fin. Per las bleras equipas rumantschas da 2. e 3. liga vai lura vinavant la proxima stagiun en ina liga pli bassa. L’US Schluein Glion è vegnida relegada da la 2. en la 3. liga regiunala, il CB Lumnezia ed il CB Surses da 3. en la 4. liga.

audio
Bilantscha da las equipas da ballape rumantschas en 2. e 3. liga
ord Actualitad dals 14.06.2022.
laschar ir. Durada: 3 minutas 34 Secundas.

Sulet il CB Trun/Rabius è vegnì da tegnair la liga. L’equipa da la Cadi dat er la proxima stagiun, quai gia per la quarta giada en roda, en la 3. liga regiunala. Trun/Rabius ha terminà il campiunadi sin il 7avel plaz da la tabella. I fiss dentant anc stà pussibel dapli per l’equipa ch’è vegnida trenada per la davosa giada da Donat Albin e Philippe Vincenz.

Trais da quatter equipas relegadas

Auter che Trun/Rabius n’èn ils Surmirans ed ils Lumnezians betg mitschads da la relegaziun. Omaduas equipas han terminà il campiunadi sut il stritg. Per il CB Surses è l’aventura 3. liga pia gia a fin suenter ina stagiun. Il CB Lumnezia ha gia baud stuì vesair en ch’i na tanscha betg da restar en la 3. liga. Lumnezia ha numnadamain gudagnà be 2 da 22 gieus da campiunadi.

Ina frida ha er l’US Schluein Glion stuì magunar. L’equipa da la Foppa sto suenter trais stagiuns puspè turnar en ina liga pli bassa. Cun quest cader e cun questa infrastructura è la finamira da tant pli spert puspè turnar enavos en la 2. liga.

Actualitad 17:00

Artitgels legids il pli savens

Scrollar a sanestra Scrollar a dretga