Siglir tar il cuntegn

Header

cuntegn

Bikemarathon Parc Naziunal Chattà quasi tut ils voluntaris per la cursa

Diesch dis avant l’emprima gronda cursa dapi la pandemia da corona han ils organisaturs dal Bikemaraton dal Parc Naziunal quasi ensemen l’equipa da voluntaris.

Il Bikemaraton dal Parc Naziunal è l’emprima gronda cursa dapi la pandemia da corona. La cursa che ha lieu tradiziunalmain la fin dad avust è vegnida spustada sin la mesadad da settember. Pervia da corona na banduna la cursa quest’on betg l’Engiadina. Ed il Bikemaraton datti questa giada era mo sin trais differents trajects.

Cursas alternativas

La cursa lunga da 108 kilometers da Scuol a S-chanf e puspè enavos a Scuol è ina premiera. Nova è era la cursa mesauna da Zernez a S-chanf e da là enavos a Scuol. Mo la cursa curta da S-chanf a Scuol vegnia a dar en la furma usitada. Las cursas da quest onn èn uschia era la prova da cursas alternativas, avess la situaziun meteorologica da pretender en futur adattaziuns dals trajects.

audio
Tinetta Strimer dal comité d'organisaziun davart situaziun voluntaris
ord Actualitad dals 08.09.2020.
laschar ir. Durada: 3 minutas 19 Secundas.

Normalmain var 500 voluntaris, uss dentant mo 300

Pervia dal program reducì na ha l’organisaziun da la cursa questa giada betg basegn da circa 500 voluntaris – 300 bastan. Quels hajan ins quasi gia chattà tuts. Mo pli sin il traject tranter Guarda e Ftan mancan anc intgins voluntaris lung il traject, o alura era per il post d’alimentaziun a Guarda. Diesch dis avant la cursa en Engiadina Bassa manca pia aunc circa ina ventgina voluntaris.

RTR actualitad 17:00

Artitgels legids il pli savens